PICPA yano kaayo milubong sa IBP-Red

CEBU, Philippines - Yano kaayong mikulit og daog ang Philippine Institute of Certified Public Accountants (PICPA) pinaagi sa paglubong sa IBP-Red sa elimination round sa Wednesday Club 2011 basketball tournament didto sa Capitol Parish gym sa dalan Escario, ning siyudad.

Ang PICPA ni skipper Yoly Meso milabaw og 10 puntos, 33-23 sa opening period pinaagi sa tandem nilang Jacon Bonsucan ug Lito Ortiz ug nainat pa kini ngadto sa 61-44 sa second period. 

Padayong gikontrolar sa PICPA ang duwa hangtod nga miposte kini sa ilang kinadak-ang labaw nga 20 puntos sa third period, 85-65.

Sila si Meso ug Alejandre maoy nangu sa opensa sa PICPA pinaagi sa ilang 18 ug 16 puntos matag usa ug lima sa ilang teammates ang miamot og double figures.

 Si Tony Liston miburak og 22 puntos aron pangulohan ang IBP-Red ni Allan Geotina, samtang si Benjo Macion mihakot og 19 puntos. Sila si Al Lagahit ug Mat Velez nagkumboya og 33 puntos.

puntos matag usa

PICPA (110) - Meso 18, Alejandre 16, J. Bonsucan 14, Ortiz 14, Flores 12, A. Bonsucan 10, Valenzuela 10, A. Yu 8, F. Yu 8

IBP-RED (98) - Liston 22, Macion 19, Lagahit 18, Velez 15, Busi 12, Capahi 8, Geotina 4  (BANAT NEWS)