Red, Tubemakers gilihia'g daog

CEBU, Philippines - Gilihian og daog ang Red team human maka-eskapo gikan sa mga kamot sa White team, 93-92 sa Inter-color division sa Sunday Club Christmas League 2011 niadtong Domingo didto sa Villas Magallanes gym sa Sta. Lucia Property sa Lapu-Lapu City.

Ang Red team naghangad sa mangtas nga performance nilang Roilan Sumilang ug Amay Palad nga maoy nangulo sa koponan nga mikadlit og 16 puntos matag usa.

Sa laing bahin, si Ondo Casquejo miburak og 39 alang sa pilderong White team.

Si Clyde Malolot mitimbre og 17 puntos, samtang si Edwin Amistad mitimang og 12 puntos.

Sa main game, ang Tubemakers gisubhan sab og daog human nila suyaki ang Ryle Trucking sa iskor nga 80-76 sa Inter-commercial division. (BANAT SPORTS)