Enriquez, Luterte nidominar sa 3rd STC Run

CEBU, Philippines - Ang beteranong si Riez Enriquez ug Marichu Luterte mao ang nidominar sa premier division sa 3rd St. Theresa’s College’s MOVE with Air sa miaging adlaw didto sa STC campus.

Si Enriquez nidaog sa 10K men’s title pinaagi sa pagtapos sa dagan sa oras nga 36:32.62, gisundan ni Ian Bernido sa oras nga 36:37.10 ug si Roger Saldo mitugpa sa ikatulo sa oras nga 38:32.13.

Sa iyang bahin, si Luterte maoy giilang hara sa women’s class. Iyang gitapos ang dagan sa oras nga 45:23.76. Sila si Joery Lee (48:20.11) ug Pamela Luterte (51:25.61) mi-okupar sa ikaduha ug ikatulo nga dapit.

Sila si Jhean Andrin ug Gabriel Zabate mao sab ang mipatigbabaw sa 5K run.

Gitapos ni Andrin ang 5K open sa oras nga 21:27.90, samtang si Lynlie Cardenas (21:54.89) ug Kisha Delechos (22:54.83) maoy miangkon sa mosunod nga duha ka dapit.

Sa laing bahin, si Zabate (17:31.21), gisundan nilang   Meljune Luterte (17:36.71) ug Kenneth Cabantan (19:01.65).

Si Jaybon Hondos maoy naghari sa 10K STC category sa oras nga 43:59.24, samtang si Emeralde Hermosilla maoy mikampiyon sa 5K STC run.   - (BANAT NEWS)