KIA Motors miabante sa finals

CEBU, Philippines - Giligsan sa KIA Motors/White Gold ug mipalagpot sa RDAK/Edcon pinaagi sa pag-iskor og daog, 73-67 aron moabante sa finals round sa 2011 Sacred Heart Ateneo Alumni Basketball Athletic Association (SHAABAA)-Cebu Landmasters Cup didto sa SHS-AdC gym sa barangay Canduman, Mandaue City.

Ang KIA Motors/White Gold miposte og 24-19 paghuman sa unang kuwarter, apan ang RDAK/Edcon miratsada sa second period aron pahakan ang labaw ngadto na lang sa dos puntos sa halftime, 35-37.

Misuway og gukod ang RDAK/Edcon ngadto sa miarangkada nga KIA Motors/White Gold sa second half, apan pakyas kini kay nanginit og balik si David Lim, kinsa mirehistro og game-high 24 puntos, lakip ang upat ka triples.

Ang KIA Motors/White Gold moharong sa modaog sa duwa tali sa Istorya.net ug Dynamic Power/Dynacast alang sa "best-of-three" finals series nga sugdan karong Domingo. (BANATSPORTS)