Navarro miluwas sa JS Contractor

CEBU, Philippines - Gisalbar sa beteranong point guard nga si Lito Navarro ang JS Contractor’s pinaagi sa iyang crucial three-pointer sa katapusang nuybe segundos aron mokulit og kulbahinam nga 91-89 nga kadaugan batok sa Reunited sa Punta Princesa Ball Club (PPBC) 2011 Second Conference basketball tournament sa Vicente Sotto Memorial gym sa barangay Punta Princesa.

Ang maong kadaugan naghatag sa JS Contractor’s og 3-2 nga baraha, samtang ang Reunited adunay 2-3 record.

Sikit kaayo ang duwa tali sa duha ka kampo, apan nakabentaha og gamay ang Reunited, nga maoy nakabentaha sa halftime, 50-44.

Padayong nanginit ang Reunited sa third period aron mokulit og 69-62 nga abante pinaagi sa paningkamot nilang Yokyok Alesna ug Ruben Abarquez.

Gumikan sa kasikit sa duwa, nagtabla sa makapila ka higayon ang duha ka kampo. Ang katapusang higayon, 89-all human sa triple ni Navarro sa fourth period. 

Ang kanhi power forward sa USJ-R Jaguars nga si Argiel Magan maoy nangu sa JS Contractor’s sa iyang game-high 24 puntos, si Navarro miposa og 22 puntos ug si Sherwin Lequit   adunay 10 puntos. (BANATSPORTS)