Demonyos wa gihapo'y pilde sa IBP

CEBU, Philippines - Pabiling walay pilde ang Los Demonyos ni Bads Del Prado human sila mo-iskor og 82-76 nga come-from-behind nga kadaugan batok sa Primos Inter Pares kaniadtong Sabado aron mokulit sa ilang ikalimang sagunson nga daog sa nagpadayong elimination round sa 7th IBP Governor’s Cup-2011 basketball tournament didto sa Capitol Parish gym sa dan Escario, ning dakbayan.

Kanunay untang naglabaw og single-digit ang Primos Inter Pares sulod sa tulo ka quarters apan hinay-hinay kining gipapas sa Los Demonyos kinsa nanginit didto sa fourth period ug misaler sab ang hugot nga depensa nga gipatuman ni coach Norwin Honoridez aron ma-outscore ang Primos ngadto sa 30-23.

Si Ferdie Riveral kinsa maoy nangu sa Demonyos sa iyang 22 puntos, maoy miduslit sa mainitong rally. Midugang og 12 putnos matag usa silang Lito Ortiz ug Art Flores samtang si Ely Ceniza miposa og 10 puntos.

Mihakot og 18 puntos si Giovanni Sususco ug gisundan siya ni Marven Miralles sa iyang 17 puntos alang sa Primos. Miamot sab og 16 puntos si Al Limalima alang sa Primos kinsa wala pa gihapoy daog sulod sa lima ka duwa.

Sa laing duwa, midaug ang Pecandela Law Firm ni skipper Mark Russ Gamallo batok sa Super Idols ni Bong Pepito, 46-38.

Si Francis Pepito maoy nangu sa Pecandela pinaagi sa iyang 10 puntos aron makigtabla sa ilang biktima sa 3-2 nga baraha.

Sa laing bahin, na-upset sa Jodin ang Pañeros, 62-51 ug gilatos sa Los Eagles ni coach Edsel Vallena ang Bhutakalz, 81-51.

Mibahug og 16 puntos si Chug Cadiongan alang sa Jodin ug si Grae Elmido miabuno og 12 puntos.

Silang Ruel Juban ug Nilo Balorio maoy nangu sa Pañeros pinaagi sa ilang 13 ug 11 puntos, matag usa.

Ang 3-2 nga Los Eagles gipangulohan nilang Jun Hiyas ug Rovelson Velmonte kinsa mihakot og 17 ug 16 puntos, matag usa samtang si Van Ligutan maoy nangu sa Bhutakalz sa iyang game-high 26 puntos.

Puntos matag usa:

First Game:

DEMONYOS (82)- Riveral 22, Ortiz 12, Flores 12, Ceniza 10, Del Prado 8, Pintor 8, Bragat 6, Montealegre 2, Tambago 2

PRIMOS (76)- Sususco 18, Miralles 17, Limalima 16, B. Velez 11, Villegas 5, Tabotabo 4, M. Velez 3, Pascua 2.

Second Game:

PECANDELA (46)- Fr. Pepito 10, Malazarte 8, Yu 8, M. Gamallo 6, I. Gamallo 5, Capoy 5, Cañete 2, Dela Cerna 2

SUPER IDOLS (38)- Apolinario 10, Sumampong 7, Macion 6, B. Pepito 5, Mañuz 4, Heyrosa 2, Amores 2, Salubre 2

Third Game:

JODIN (62)- Cadiongan 16, Elmido 12, Reyes 8, Presas 8, Sarno 7, Geotina 5, Narido 4, Amores 2

PAÑEROS (51)- Juban 13, Balorio 11, Retuya 8, Ruaya 7, Cabilte 4, Busi 4, Calipayan 4

Fourth Game:

EAGLES (81)- Hiyas 17, Velmonte 16, Lagahit 15, Arabis 11, Remedio 8, Avila 4, Solis 4, Pareja 2, Suson 2, Abcede 2

BHUTAKALZ (51)- Ligutan 26, Ang 10, Verallo 6, Covero 3, Hupp 3, Asis 2, Villarin 1.  - BANAT NEWS