Los Demonyos 4-0 sa IBP Guv's Cup

CEBU, Philippines - Pabiling wala gihapo'y pilde ang Los Demonyos five ni Bads Del Prado human sila maka-ipsot batok sa Bhutakalz/Durano-YLAC sa iskor, 68-66 aron mokulit sa ilang sunodsunod nga upat ka daog kaniadtong Sabado atol sa nagpadayong elimination round sa 7th IBP-2011 Governor's Cup basketball tournament didto sa Capitol Parish gym sa dan Escario, ning dakbayan.    

Wala dayon makabuylo ang Los Demonyos ni coach Norwin Honoridez apan nagsugod sila'g panginit didto sa second period aron molabaw og 12 puntos sa halftime, 35-23.

Misumbalik ang Bhutakalz og milusad og 25-20 run aron mosikit ngadto sa 48-55 sa pagsugod sa fourth quarter ug dayon, nahimong sikit ang nahibiling pipila ka minutos hangtod nga nasakmit sa Bhutakalz ang abante, 66-65 sa kataposang 14 segundos ug nagkinahanglan na lang unta sila'g maayong defensive stop aron pakuratan ang mas lig-on nga kontra.

Nianang pagka sunod nga ball possession, daw gi-ugbok nga kandila ang Bhutakalz dihang nakapasulod sa iyang winning triple si Karl Salcedo ug napupos ang oras sa wala madugay.

 Silang Richard Bauzon ug Lito Ortiz maoy mitimon sa Los Demonyos pinaagi sa pagligwat og 12 puntos matag usa samtang midugang si Salcedo ug 10 puntos.

Si Van Ligutan miposa og 14 puntos alang sa Bhutakalz ug si Ivan Verallo midugang ug 13 puntos ug naghupot na karon ang Bhutakalz ug 1-3 nga baraha.

Sa laing duwa, naka-ipsot sab ang Pañeros ubos sa ilang skipper Nilo Balorio batok sa defending hampion Pecandela Law Firm ni playing coach Michael Cañete, 73-71, alang sa ilang ikatulong daog sulod sa upat ka duwa (3-1) samtang ang Pecandela midailos ngadto sa 2-2 nga baraha.

Si Jarred Cabilte maoy nahimong bayani alang sa Pañeros sa maong duwa dihang iyang napasulod ang krusyal nga perimeter sa nahibiling 11 segundos aron molabaw og usa ka punto, 72-71 og midugang og laing usa ka punto si Ting Ordeniza pinaagi sa iyang split charities.

Si Bert Ruaya maoy nangu sa Pañeros sa iyang 12 puntos samtang ang Pecandela gipangulohan nilang Ivans Gamallo ug Francis Pepito kinsa pareho sab nga miposa og 12 puntos matag usa.

Sa ikatulong sangka, midaug ang Los Eagles ni Kit Enriquez batok sa Jodin alang sa ilang ikaduhang daog sulod sa upat ka duwa (2-2) samtang ang Jodin naghupot ug 1-3 nga baraha kauban sa Bhutakalz.    

Sa ika-upat ug kataposang duwa niadtong Sabado, gibagnos sa Super Idols ni Bong Pepito ang Primos Inter Pares ni Enrique Rama, 71-49, alang sa ilang ikatulong daog sa upat ka duwa (3-1) aron makibtabla tali sa Pañeros sa ikaduhang pwesto.

Puntos matag usa:

DEMONYOS (68)- R. Bauzon 12, Ortiz 12, Salcedo 10, E. Bauzon 8, Montealegre 6, Tambago 5, Pintor 4, Del Prado 2, Yap 2, Riveral 2, Cavada 2, Flores 2, Bragat 1. 

BHUTAKALZ (66)- Ligutan 14, Verallo 13, Santiago 10, Gealon 8, Ang 6, Guieb 5, Hupp 4, Arnaiz 3, Sapayan 2, Codera 1.

Second Game:

PAÑEROS (73)- Ruaya 12, Ordeniza 10, Aliño 10, Busi 8, Retuya 8, Cabilte 8, Balorio 6, Manching 5, Calipayan 4, Cagulada 2.

PECANDELA (71)- Fr. Pepito 12, I. Gamallo 12, Malazarte 11, Yu 9, Leyco 6, Dela Cerna 6, Cañete 4, Capoy 4, M. Gamallo 3, Avila 2, Tomaodos 2. 

Third game:

EAGLES (61)- Hiyas 15, Velmonte 13, Lagahit 8, Remedio 7, Abcede 5, Arabis 5, Godornes 2, Suson 2, Pareja 2, Puspus 2.

JODIN (50)- Cadiogan 22, Maamo 8, Capahi 7, Presas 6, Geotina 3, Sarno 3, Narido 1. 

Fourth Game:

IDOLS (71)- Macion 16, F. Pepito 14, Apolinario 10, Heyrosa 8, Piquero 7, Mañuz 6, R. Quijano 5, B. Pepito 4, Salubre 1.

PRIMOS (49)- Limalima 14, Sususco 12, B. Velez 8, Miralles 7, Villegas 4, En. Rama 2, M. Velez 2.  - BANAT NEWS