ALA fighters nga mobida sa "Pinoy Pride 8" mohimo'g public-workout sa SM

CEBU, Philippines - Ang mga Pinoy fighters nga mobida sa "Pinoy Pride 8: Philippines vs. Mexico" mohimo og public sparring karong hapon diha sa SM City-Cebu event center stage.

Sila si Milan 'El Metodico' Melindo, Jason 'El Niño' Pagara ug Genesis Servania ang mopakita sa ilang kaandam alang sa umaabot nilang sangka batok sa mga Mehikanong kaatbang karong Septiyembre 10 sa boxing extravaganza nga gipasiugdahan sa ALA Boxing Promotions ug sa ABS-CBN Sports diha sa Waterfront Cebu City Hotel and Casino.

Ang undefeated nga si Melindo manalipod sa iyang limpiyong rekord batok sa Mexican brawler nga si Francisco 'Chiquita' Rosas alang sa WBO Intercontinental flyweight championship, samtang ang 19-anyos light welterweight prospect nga si Jason Pagara makigsangka usab batok ni Rosbel 'Lobito' Montoya. Ang undefeated prospect sa ALA nga si Servania mopakita usab sa iyang katakus batok ni former world-title challenger Gerson 'El Nene' Guerrero. Ang tulo ka mga Mehikano gikatakdang moabot sunod semana. Mohimo sab sila og press conference ug public workout.  (BANATSPORTS)