CEBU, Philippines - Laing grupo nga naghimo'g goodwill trip gikan sa Washington ang nakasugat og insidente atol gyud sa pagbisita ni US Vice President Joe Biden didto sa Beijing China alang sa katuyoan nga pahugtan ang relasyon sa China ug America.
Ang maong hitabo posibleng makapaaslom sa diplomasiya.
Napugos pagbiya sa korte ang Georgetown sa nahabiling 9:30 sa fourth period diin nagtabla ang iskor, 64-all dihang kalit nahitabo ang lamok-lamok batok sa host Bayi Rockets sa Beijing sa usa ka exhibition game niadtong Huwebes.
Wala hinuoy grabeng naangol atol sa kagubot diin nagsinukliay og kinumo ang mga players gikan sa duha ka habig.
Gawas pa sa mga bangko nga gipanglabay, nagpasad sab ang mga basiyong mineral water.
Nakasaksi sa kagubot mao ang writer sa Washington Post nga si Gene Wang ug sumala pa niya nga duha ka players ang mihaling sa kagubot dihang nagkalalis sila tungod sa foul. (BANAT SPORTS)