CEBU, Philippines - Nakakawat og pagtagad ang neophyte thrower nga si Jon Dean Durano sa Cebu Institute of Technology-University (CIT-U) human nidaog sa unang gold sa 16th Milo Little Olympics-Visayas Regional Finals kagahapon diha sa Cebu City Sports Center (CCSC).
Isip labing unang pagsalmot sa dakung kompetisyon, ang 11-anyos nga si Durano wala magdahom nga modaog sa elementary boys discus throw event sa distansya nga 18.59 meters.
Ang potensiyal ni Durano nakaplagan sa iyang coach nga si Angelito Villaver, kinsa nikuha niya atol sa piniliay sa mga atleta.
Si Durano nakakuha sab og gold medal sa shot put sa gilay-ong nga 9.23m. Laraw siya sa ikatulo dihang mobanat kini sa javelin throw karong adlawa. (BANATSPORTS)