Cebuano judokas gidapit pag-apil og judo championship

CEBU, Philippines -  Giawhag ang mga Sugbuanong judokas sa pag-apil og Green Archers Judo Championship nga gikatakda karong Hulyo 16-17 didto sa La Salle Greenhills sa Manila.

Ang kompetisyon nga gipasiugdahan sa La Salle Greenhills Judo Club ug sa ilang Sports Program Development Office adunay tulo ka kategoriya -- kids, juniors ug all-white class.

Ang junior division alang sa male ug female judokas nga nagpangedaron og 19-year old ug paubos. Matag dibisyon adunay siyam ka weight categories.

Sa All-white, wala kini age limit sa tanang walo ka weight categories.

Sa laing bahin,   ang boys gibuak ngadto sa upat ka kategoriya -- 7 under, 8-10, 11-13 ug 14-16 years old, samtang sa girls, wala giapil ang 8-10 bracket. Sa matag bracket gawas sa 7-under class, adunay tagtulo ka weight categories matag usa. (BANATSPORTS)