RDAK- L'masters miratsada

CEBU, Philippines - Nagkaduol na ang Mandaue Landmasters-RDAK sa GenSan leg Finals human maka-ikyas bitbit ang 66-64 nga kadaugan batok Ilocos Sur CS Tigers sa SMC Liga Pilipinas Conference V didto sa GMP Sports Complex sa General Santos City.

Wala makaduwa ang two-time leg MVP ug Landmasters team captain Mark Magsumbol tungod sa back injury, apan si Ariel Capus maoy migiya ngadto sa ilang ikaduhang daog pinaagi sa iyang 20 puntos uban ang 10 ka rebounds. Miabag usab si Harold Sta. Cruz nga mi-iskor og 11 puntos ug milangkat og pito ka rebounds.

Si Raymond Aguilar maoy topscorer sa CS Tigers sa iyang 17 puntos ug 10 ka rebounds, gisundan ni Chito Jaime nga midugang og 14 puntos.

Sa main game, ang Laguna Golden Lions mitumba sa host MP GenSan Warriors sa iskor nga 69-61. (BANAT NEWS)