Sit ug ave maria midaog sa medellin

CEBU, Philippines - Parehong mikulit og laing daog ang mga title contenders nga Salazar Colleges of Science and Institute of Technology (SCSIT) Skyblazers ug ang Ave Maria Sanctuary Park sa nagpadayong 1st M. Lhuillier Kwarta Padala-Cebu Basketball Association (MLKP-CBA) basketball tournament kaniadtong Biyernes didto sa Medellin municipal gym sa amihanang Sugbo.

Nag-ig sa ilang mga outside shots ang Skyblazers aron sumpo-on ang upset-seeking Talisay City, 75-69 samtang diriyot madiskuhedo ang Ave Maria kinsa wala maninuod sa ilang depensa sa daginotong oras ug naka-ipsot batok sa Asian College of Technology (ACT) Cyber Knights, 91-90 aron putlon ang two-game winning run sa nauwahi.

Si Ronan Isidro maoy nagtimon sa opensa sa Skyblazers sa iyang 29 puntos ug si Elvis Labares midugang og 19 puntos.

Ang Skyblazers aduna nay 6-0 nga baraha.

Midugang sab sila si Yester Daculan ug Roland doy ug 15 ug 10 puntos matag usa alang sa SIT.

Ang 2-4 Talisay gipangluhan ni Artetroy Mercader sa iyang 20 puntos.

Sa laing bahin, ang ex-pro nga si Jercules Tangkay mibahug og 19 puntos alang sa Ave Maria samtang si Mannie Gabas miamot og 13 puntos. Ang laing taga USJR Jaguars nga sila si Armand Ponce ug Herbert France, miabuno og 13 ug 11 puntos matag usa alang sa 5-1 nga Ave Maria.

Ang Cyber Knights kinsa aduna nay 3-4 nga baraha, gipangulohan ni Milfred Sampelo kinsa miposa og 21 puntos ug si Bernie Ursal midugang og 16 puntos.

Ang duwa sa Medellin gipaluyohan nilang Mayor Ricky Ramirez ug bise mayor Al Lim.

Puntos matag usa:

First Game:

SCSIT (75)— Isidro 29, Labares 10, Daculan 15, Doy 10, Murillo 2

Talisay (69)— Mercader 20, Reyes 15, Monaco 10, Belande 8, Sereño 7, Colegado 5, Basco 4

Second Game:

Ave Maria (91)— Tangkay 19, Gabas 15, Ponce 13, France 11, Delfino 9, Amores 8, Alicaway 8, Ocañada 5, Duran 3

ACT (90)— Sampelo 21, B. Utsal 16, Valenzuela 13, Nuñez 11, J. Ursal 10, Caputolan 7, Galinato 6, Roncal 4, Batiancila 2 (GGM)(BANAT NEWS)