Bhutakalz mi-sweep sa 1st round sa 6th IBP All Lawyers League

CEBU, Philippines - Gi-sweep sa Bhutakalz (kanhi YLAC) ni commissioner Ian Sapayan ang second round bitbit ang 3-0 nga baraha human sila maka-ipsot batok sa Pecandela-Mang Tinapay ni skipper Mark Russ Gamallo, 56-53 sa 6th IBP All Lawyers League-2011 basketball tournament didto sa Capitol Parish gym sa dalan Escario, ning siyudad.

Nilabaw og dos puntos ang Mang Tinapay sa pagsugod sa final period, 39-37, apan nakahimo sa pagtabla ang Bhutakalz, 48-all sa nahabiling 2:48 sa duwa.

Ang mga krusyal nga baskets nilang Van Ligutan, Benjo Santiago ug Cris Ang maoy nagbaswat sa Bhutakalz. Si Ligutan maoy nangu sa iyang 18 puntos, samtang sila si Santiago ug Ang parehong adunay 13 puntos. 

Ang pilderong Pecandela gipangulohan nilang Gamallo ug Sam Malazarte nga nagkumboya og 31 puntos.

 Sa sayo pa, ang Los Demonyos nidaog batok sa Pañeros Dynasty, 80-76 alang sa ilang ikaduhang daog sa tulo ka duwa.

Si Lito Ortiz maoy nangu sa Los Demonyos pinaagi sa iyang 35 puntos lakip ang lima ka three-pointers, samtang ang Pañeros gipangulohan ni Ruel Jaban sa iyang 24 puntos.

Midaog sab ang Bros N’ Law ni playing coach Gines Abellana batok sa Blue Eagles, 58-54 alang sa labing una nilang daog.

PUNTOS MATAG USA

Unang duwa:

Los Demonyos (80) - Ortiz 35, Flores 14, Riveral 8, R. Bauzon 6, E. Bauzon 6, Del Prado 4, Bragat 3, Sumampong 2, Yap 2

Pañeros (76) - Juban 24, Busi 14, Cabilte 12, Ordeniza 6, Molde 6, Aliño 5, Calipayan 4, Manching 3, Cagulada 2

Ikaduhang duwa:

Bhutakalz (56) - Ligutan 18, Santiago 13, Ang 13, Arnaiz 8, Verallo 2, Sapayan 2

Pecandela (53) -   Gamallo 16, Malazarte 15, Pepito 13, Tomaodos 6, Cañete 2, Leyco 1

Ikatulong duwa:

Bros ‘N Law (58) - Villegas 14, Limalima 12, Pascua 8, Sususco 8, En. Rama 6, Tabotabo 4, Abellana 4, Astillero 2.

Eagles (54) - Vallecer 17, Abcede 16, Solis 12, Godornes 4, Puspus 3, Suson 2 (BANAT NEWS)