Ave Maria milubong sa Landmasters

CEBU, Philippines - Gipanglubong sa Ave Maria Sanctuary Park ug Asian College of Technology (ACT) Cyber Knights ang tagsa-tagsa nilang kaatbang sa pagsugod sa second round sa eliminasyon sa 1st M. Lhuillier Kwarta Padala-Cebu Basketball Association (CBA) basketball tournament sa miaging gabii didto sa Cebu Coliseum.

Ang Ave Maria mi-iskor og 110-92 nga kadaugan batok sa Mandaue-Cebu Landmasters, kinsa gikataho nga aduna lamang unom ka players ang mitumaw, samtang ang Cyber Knights midemolis sa Hotel Fortuna sa iskor nga 100-72.

Si Enrico Llanto maoy nangu sa Ave Maria nga miugkat og 26 puntos, samtang tulo sa iyang teammates ang midugkal og double figures.

Ang Landmasters gipangulohan sab ni Frangel Omolon sa iyang masipang 38 puntos.

Sa main game, si Eliud Poligrates mao sab ang nangu sa Cyber Knights pinaagi sa iyang 22 puntos, samtang si Vernini Tangarorang adunay 17 puntos alang sa pilderong Hotel Fortuna.

PUNTOS MATAG USA

Unang duwa:

   Ave Maria (110) - Llanto 26, Aying 18, Tangkay 12, Cainglet 12, France 9, Ocañada 8, Gabas 6, Ponce 6, Abellana 5, Alicaway 2, Delifno 2, Amores 2

Mandaue-Cebu Landmasters (92) - Omolon 38, Nailon 21, Juliane 11, Espina 10, Samonte 8, Pagasian 4

Ikaduhang duwa:

ACT (100) - Poligrates 22, Nuñez 17, Galinato 16, Bucao 13, Caputolan 9, Sevilla 8, Valencia 6, Luga 4, Ursal 3

Hotel Fortuna (72) - Tangarorang 17, Pria 12, Getubig 12, Maguate 11, Gaviola 9, Rizane   - BANAT NEWS