CEBU, Philippines - Padayon mihagdaw og daog ang ANKLA aron inaton ang ilang winning streak ngadto sa lima human ilang gilubong ang OMKI Megavolts, 81-62 sa 3rd F. Llamas Youth Association (FYA) basketball tournament didto sa sitio Manggahan open court sa barangay Punta Princesa, ning dakbayan sa Sugbu.
Sa laing duwa, gilubong sab sa Team Habagat ang Matthew sa iskor nga 79-59 aron magsolo sa ikaduhang puwesto sa standing sa ilang 1-4 nga baraha.
Si Chissar Llegunas maoy nangu sa ANKLA (5-0) pinaagi sa iyang 19 puntos ug sila si Burnong Endrina and Royce Sonsona midugang og 14 ug 10 puntos matag usa.
Ang OMKI (2-1) gipangulohan sab ni Eman Reubal kinsa miposa og 18 puntos, samtang ang team owner nga si Robert Rabi ug Atan Tabares mipuno og 11 puntos matag usa.
Sa laing bahin, sila Tata Laborte mibahog og 23 puntos aron pangulohan ang Team Habagat samtang ang iyang manghod nga si Nico mihakot og 17 puntos aron inaton ang ilang baraha ngadto sa 3-1.
Ang pilderong Matthew gipangulohan ni Dodong Cabigas nga mibugha og 16 puntos. (BANATSPORTS)