CEBU, Philippines - Usa ka intensive training alang sa softball ug baseball ang gikatakda karong summer pinaagi sa pagpahigayon og 3rd Fastball Summer Camp karong Abril 4-27 diha sa Aboitiz Sports Field sa barangay Subangdaku, sa Mandaue City.
Lakip sa training program mao ang drills, lectures, field exercises ug inter-squad tournament.
Aduna kini registration fee nga P2,000 libre na ang Fastball's official summer camp shirt ug certificate of attendance inig human sa camp.
Ang organizers maoy mopagawi sa bola, bat ug uban pang mga ekipo, gawas lang sa gloves.
Ang training sessions sugdan sa alas-4 sa hapon hangtod sa alas-6 sa gabii gikan sa Lunes hangtod Biyernes. (BANAT NEWS)