Delposo, Sevilleno nanghawod sa tagsa-tagsa nila ka dibisyon sa 1st People Power Run

CEBU, Philippines - Nagmalampuson ang labing unang pagpahigayon sa "People Power Run" uban nila ni Joel Delposo ug Christy Sevilleno-Tutor nga maoy naghari sa tagsa-tagsa nila ka kategoriya niadtong Domingo sa buntag didto sa Fuente Osmeña Circle.

Si Delposo misakmit sa 12K men's title human niya labanga ang finish line sa oras nga 42:14.13. Iyang napilde sila si Jobert Carolino (42:18.75) ug Adonis Singson (42:39.18).

Samtang ang beteranang si Tutor mao sab milangkat sa korona sa 12K women's division nga mi-oras og 53:17.96. Nagsunod niya ang 9-year old long-distance runner nga si Lovely Andrin sa oras nga 55:17.48 alang sa ikaduhang dapit, samtang si Rochelle Tan mipahiluna sa ikatulo sa oras   1:05.17.34.   (BANAT NEWS)