So misulbong sa opening round

CEBU, Philippines - Sa gilauman, si GM Wesley So maoy misulbong sa opening round sa 1st Cebu City Charter Day Open Chess Championships kagahapon didto sa E-Mall Activity Center.

Gibuntog ni So si Jeremy Bajo sa University of San Carlos.

Si GM Antonio Rogelio, misulbong sab sa unang duwa pinaagi sa pagpukan ni Jonas Bajo. Si GM Darwin Laylo mipilde ni John Barade, samtang si IM Oliver Dimakiling mipukan ni Lexle Baybay.

Kapin sa 200 ka entrante ang magtigi alang sa dul-an sa P300,000 nga giandam nga ganting salapi alang sa mga mananaog.

Ang kampiyon sa open category mobulsa og P100,000. Ang runner-up makadawat og P50,000, samtang ang mopahiluna gikan sa ikatulo hangtod sa ikalima makaangkon og P30,000, P20,000 ug P10,000 matag usa. (BANATSPORTS)