Pinangulohan sa teen cycling sensation Igi Maximo, gisakmit sa PaBol Springdale Tri-Team ang korona sa relay division sa Dayo Bros.Triathlon kagahapon didto sa Catmon.
Uban sa iyang mga teammate nga sila si Alex Quio ug Jose Lao, ang PaBol Springdale mirehistro og oras nga 1:02:21 alang sa first place finish.
Di si Johnny A ang coach
Dili si ang legendary PBA point guard nga si Johnny Abarrientos ang coach sa Far Eastern University (FEU) sa 2011 season sa UAAP.
Kini human si Bert Flores ang gitudlong coach sa FEU hulip ni Glenn Capacio.
De Jong moduwa sa Indonesia
Ang Fil-Dutch nga miyembro sa Philippine Team Azkals nga si Jason de Jong mipirma na og kontrata aron moduwa sa Sriwijaya Football Club sa Indonesian Super League.
Hinuon, ang mid-fielder sa Azkals nagkanayon nga anaa gihapon siya aron moduwa sa Azkals nga padayung maningkamot sa AFC Challenge Cup.
Patriots gihubuan sa korona
Pakyas ang Philippine Patriots sa pagpanalipod sa ilang titulo dihang giserohan sila sa Thailand Slammers nga misakmit sa korona sa second season sa ASEAN Basketball League didto sa PhilSports Arena.
Nangulo sa Thailand mao ang kanhi M.Lhuillier point guard nga si Froilan Baguion kinsa miposa og 19 puntos ug laing Pinoy import nga si Ardy Larong nga miyagyag og 15 puntos. - BANAT NEWS