CBM swimming club nagpanikad na

CEBU, Philippines - Napulo'g-walo (18) ka swimmers sa Cebu Blue Marlins (CBM) Swimming Club nga gimaneho sa University of Cebu (UC) ang ipadala alang sa 4th Iloilo Dinagyang National Age-group swimfest karong Enero 21-22 didto sa Iloilo Sports Complex.

Human sa duha ka tuig nga pagpahuway, nagpanikad na ang CBM nga mosakmit og titulo batok sa uban pang elite swimming clubs sa nasud sama sa Biniyaran Tadpoles sa Antique, Aklan Aqua Blades, Capiz Eagelerays, Negros Occidental Golf and Country Club, Bohol Dolphins ug Sea Warriors.

Ang 18 ka swimmers naglakip sa UC tankers nga sila si Clarence Israel Gabunada, Anthony Rey Dela Peña, Danre John Lumapas, Bethmay Arellano, Danielle Mae Ballesteros, Trina Cañeda, Cristine Indaya, Paula Abigail Vega, Mary Arlette Baller ug Aimee Sanchez.

Uban usab sa CBM ang managsuong Anthony Linn ug Lyh Ann Navarro sa Cebu Eastern College (CEC), Tristan Kirk Ebon ug Razel Cabajar sa University of San Carlos (USC) Joebert ug Karen Mae Indaya sa Labangon ug Michael Ichiro Kong sa FBC Christian School. - BANAT NEWS