CEBU, Philippines - Mikabkab sa una nilang titulo ang Abellana National School (ANS) Pomeroy ug San Roque Football Club (SRFC) booters sa pagbukas sa 1st Sinulog Football Cup kagahapon didto sa University of San Carlos-Technological Center (USC-TC) football field.
Ang winning goal ni Dan Marnel Villarico mao ang mihatag sa ANS-Pomeroy ngadto sa 1-0 nga daog batok sa USC football team sa boys 17 category.
Samtang ang San Roque way kukaluoy nga milubong sa Sacred Heart-Hijas de Jesus, 7-0, aron maangkon ang korona sa players 8 division.
Karong adlawa, magtiwas ang uban pang mga koponan sa nahabiling dibisyon sa katapusang adlaw sa labing unang Football Cup nga namugna isip usa sa mga highlights sa Sinulog festival.
Ang kampiyon sa matag kategoriya makaangkon og tropeyo ug medalya, samtang ang runners-up makadawat og medalya. (BANATSPORTS)