MANILA, Philippines - Ang Philippine team laban sa buong ‘soccer-crazy Indonesian nation’.
Lalabanan ng mga Azkals ang mga Indons sa una sa dalawang semifinal legs ng AFF Suzuki Cup ngayong alas-8 ng gabi sa Bung Karno Stadium sa Jakarta, Indonesia.
Inaasahang mapupuno ng mga Indonesian football fans ang naturang 80,000-seat stadium.
Nakuha ng Indonesia ang dalawang semifinal legs ng Suzuki Cup dahil na rin sa pagtanggi ng nasibak na si Philippine Football Federation president Jose Mari Maritinez na gawin sa Pilipinas ang isa rito.
Sinabi ni Martinez na walang kumpletong pasilidad ang bansa na makakapasa sa Asean Football Federation standards.
Nakatakda ang second leg sa Linggo sa nasabi ring venue.
Bago makapasok sa semis kontra Indonesia, tinalo muna ng Azkals ang nagdedepensang Vietnam, 2-0, sa Hanoi.
Ang mga Azkals ay binubuo nina Robin Gier, Phil Younghusband, Ray Jonnson, Anton del Rosario, team captain Aly Borromeo at Filipino-British goalie at Fulham mainstay Neil Etheridge.