Lite/FAL Shipping daog sa Guy Lim All-Star Game

CEBU, Philippines - Ang hinugpong puwersa sa Lite Shipping ug FAL Shipping mibuntog sa Cebu Movers System (CMS) nga nakig-alayon sab sa mga players gikan sa Aisle Marine Service, 108-100 sa labing unang Lucio 'Guy' Lim Sr. Memorial Cup All-Star Game diha sa City Sports Club-Cebu gym sa Cebu Business Park.

Si coach Elmer 'Boy' Cabahug, kansang Lite Shipping team maoy midaog sa korona, mikuha og mga players gikan sa FAL Shipping sama nila ni Raymund Revilles, Janjan Tumulak ug Toto Molina aron modugang og kalig-on sa iyang koponan

Ang puwersa sa Lite/FAL Shipping nagsalig sa ilang halos walay paltos nga tirada gikan sa gawas diin nangigo si Allan Cabral, kinsa miburak og game-high 28 puntos.

Ang   forward nga si   Allan Cabanas, mibahog og 16 puntos samtang ang ex-UV Lancer nga si Dante Elim midugang og 14 puntos.

Ang idlas nga point guard Eming Batarilan ug si Revilles miamot og 12 ug 10 puntos, matag usa alang sa Lite/FAL Shipping.

Si Barry Ledesma maoy topscorer sa CMS uban ang iyang 26 puntos, gisundan ni Franco Te nga adunay 20 puntos.

Sa 3-point shootout, sila si Richard Safina ug Ledesma sa Aisle Marine Services mipukan nilangTe ug Juanito Sasing sa CMS sa iskor nga 24-23.

Ang tandem nilang Jeffrey Sinoy ug Harold Marago sa Lite Shipping nidaog sa 2-ball competition title human nila gilubong silang Tumulak ug Molina sa FAL Shipping sa iskor nga 28-8.

Ang awarding rites sa Guy Lim Cup himuon karong Disyembre 18 diha sa CAP building sa Osmeña Boulevard, ning siyudad.

Puntos Matag Usa

Lite/FAL Shipping (108) -Cabral 28, Cabanas 16, Elim 14, Batarilan 12, Revilles 10, Sepe 9, Tumulak 7, Imboy 5, Molina 4, Iway 3

CMS/Aisle (100) - Ledesma 26, F. Te 20, Reyes 18, Manigque 15, Oque 4, Sencil 4, Ocampo 4, Sasing 3, B. Te 2, Baguio 2, Econas 2. – BANAT NEWS