Urine test ipipilit ni Roach kay Margarito

MANILA, Philippines - Bago pa ang kanilang salpukan ay may sinasabing drama na nangyari sa dressing room nina Manny Pacquiao at Antonio Margarito sa Cowboys Stadioum sa Arlington, Texas.

Ilan rito ay ang kagustu­han ni trainer Freddie Roach na pilitin ang kampo ni Margarito na tanggalin ang balbas ng Mexican fighter.

Ngunit sinabi ni Pacquiao na mas magiging ma­dali para sa kanyang pun­tiryahin ang mukha ni Margarito kapag may bal­bas ito.

Isang taping-related issue naman ang lumitaw ma­tapos iparamdam ni trai^-ner Robert Garcia na ulitin ang paglalagay ng tape sa mga kamao ni Pacquiao sa hindi malamang dahilan.

At ang huli ay ang ale­gas­yon ni Roach na gu­ma­gamit si Margarito ng Ephedra, isang banned sti­­mulant.

Ayon sa isang miyembro ng team Pacquiao, na­huli ni Billy Keane ang Mexican na naghahanda ng isang inumin na may ha­long illegal substance na nakalagay sa isang maliit na bote.

“The Pacquiao camp protested and words were exchanged. So we called in the commission,” wika ni Bob Arum matapos ang la­ban.

Si Keane ay nasa dres­sing room upang panoorin ang ginagawang pagbabalot ng tape sa mga kamay ni Margarito.

At dahil sa pangyayari, posibleng ipilit ni Roach sa kam­po ni Margarito ang su­mailalim ang boxer sa urinalysis na ma­a­aring gawin matapos ang laban.