UTASSCO wala pa matarog

CEBU, Philippines - Wala pa gihapoy nakatay-og sa UTASSCO Utility ni team owner Atty. Flor Yosores ug mikulit na sa   ikaupat nilang sunod-sunod nga kadaogan pinaagi sa pagpilde sa sa Precious Ellah, 104-90 sa Power Forty Christmas League didto sa Inayawan Sports Complex.

Ang UTASSCO gipangulohan ni Wilbor Cabrera, kinsa mibahog og 28 puntos, samtang si Jun Felicitas midugang og 17 puntos. Sila si Noel Flordeliza ug Celso Cabaluna maoy nangu sa Precious Ellah sa ilang 31 ug 28 puntos matag usa.

Sa laing duwa, naka-eskapo ang Allyn & Sons bitbit ang 69-68 nga kadaugan batok sa Park ‘N Go Bakeshop.

Ang duha ka free throws ni team owner Nelly Cabase sa katapusang 10 segundos maoy nakapadaog sa Allyn & Sons.

 Naglabaw unta ang Park ‘N Go, 68-67, apan nakakubit og foul si Cabase batok ni Zaldy Dumale nga maoy naghatod kaniya ngadto sa free throw lines.

Apan si Danny Lisondra maoy nangu sa Allyn & Sons sa iyang 15 puntos

Ang Park ‘N Go Bakeshop gipangulohan ni Michael Arias sa 19 puntos.

Puntos Matag Usa

Unang duwa:

Allyn & Sons (69) - Lisondra 15, Moniva 13, Cañedo 12, Albaño 8, Tabar 6, Sandal 5, Colinares 4, Plarizan 2, Cabase 2, Gabuya 2

Park ‘N Go (68) - Arias 19, Echavez 12, Ozon 11, Dumale 8, Filosopo 4, Dejarme 4, Rama 3

Ikaduhang duwa:

UTASSCO (104) - Cabrera 28, Felicitas 17, Mercado 14, Nacional 9, Mabalcon 8, Yosores 5, Atillo 5, Abasolo 4, Yu 4, Pestaño 4, Labajo 2

Precious Ellah (90) - Flordeliza 31, Cabaluna 28, Ramil 9, Labrada 8, Navares 4, Abadejos 2, Traya 2, Rabadon 2, Abellana 2. – BANAT NEWS