Yaw-Yan usa ka "Deadliest Martial Arts"

CEBU, Philippines - Usa sa mga orihinal Pinoy Martial Arts nga Yaw-Yan mao ang giila isip "The Deadliest Martial Arts," sumala pa sa amahan sa Yaw Yan nga si Grand Master Napoleon Fernandez ug sa Sugbuanong founder Master Benigno 'Ekin' Caniga.

Gitawag og "Dance of Death," ang Yaw-Yan usa ka matang sa pangamot nga migamit sa tanang parti sa lawas isip hinagiban ug nagkinahanglan kini og igong kapaspas aron molampos ang imong atake.

"Yaw Yan strikes have great impact but the moves can be like dancing. It is an excellent physical fitness exercise and a fine form of self-defense," matud ni Caniga, ang founder sa Yaw-Yan Ardigma Martial Arts Federation Inc.

Gawas sa self-defense, nalambigit na usab karon ang Yaw-Yan sa nagkasikat nga contact sports, ang Mixed Martial Arts (MMA).

Niadtong interesadong makat-on og Yaw-Yan, mahimong mobisita sa ilang headquarters sa 4th floor sa Coast Pacific Downtown Center sa dalan Sanciangko, ning siyudad. – BANAT NEWS