Cortes unang naka-gold
CEBU, Philippines - Tinun-an sa Cebu Institute of Technology-University (CIT-U) nga si Vince Lester Cortes maoy unang mitunol og bulawan alang sa Team Cebu City sa unang adlaw sa aksiyon sa Central Visayas Regional Athletic Association (CVIRAA) Meet 2010 kagahapon didto sa Gov. Mariano Perdices Memorial Coliseum track oval sa Dumaguete City.
Si Cortes nidominar sa shot put sa elementary level sa gilay-on nga 8.34 metros, nga mas ubos sa iyang personal record nga 8.67metros.
Atol sa iyang kadaugan kagahapon, si Cortes, 12-anyos miingon nga una kadto niyang higayon nga nidaog og gold medal sud sa duha ka tuig niya nga pagsalmot sa tinuig nga multi-sporting event sa rehiyon.
Sa miaging tuig, si Cortes nalandig sa ikatulo sa shot put ug ikaduha sa discuss throw. (BANATSPORTS)
- Latest
- Trending
