CEBU, Philippines - Nahimo na nga usa sa labing dugay nga lumba ang tinuig nga Seminary Run nga gipasiugdahan sa Cebu Archdiocesan Major Seminary Foundation nga anaa na karon sa ikalimang tuig.
Ang lumba nga anaa na sa ikalimang tuig, himuon karong Nobiyembre 28 diha sa Seminario Mayor de San Carlos, Juan Luna Avenue sa Mabolo, usa ka fund-raising diin ang salapi nga matigom gamiton alang sa pagpa-ayo sa 60-anyos nga puy-anan sa mga seminarista diha sa Seminario Mayor de San Carlos.
Gawas sa naandang 10K, 5K MEPZ, 5K seminarians, 5K priests, napuno usab ang 5K run alang sa media. May 3K kids run alang sa nagpangedaron og 12-anyos paubos.
Ang registration fee nagkantidad og P250 ug mahimong magpalista diha sa Cebu City Sports Center, R.O.X sa Ayala, SM City-Cebu ug Park Mall.