FAL shipping kaging sa CMS

CEBU, Philippines - Ang Cebu Movers System (CMS) ni playing coach Dr. Boy Te mipahamtang sa labing una kapildihan sa FAL Shipping, 90-65 nga naghatag kanila og "twice-to-beat" advantage sa ikaduhang hugna sa Lucio 'Guy' Lim Sr. Memorial basketball tournament diha sa City Sports Club-Cebu gym sa Cebu Business Park.

Sa pasiunang duwa, ang Megapaint mikulit sa labing una nilang daog dihang ilang gipakuratan ang Aisle Marine sa iskor nga 84-77.

Si Juanito Sasing maoy topscorer sa CMS nga miburak og 24 puntos, samtang si Jericho Cortes mipabuto og 21 puntos. Ang anak ni Te nga si Franco, mi-iskor sab og double figures pinaagi sa iyang 13 puntos.

Sa sayo pa, si Arnel Momo mibahog og 27 alang sa Megapaint, samtang si Robert Pantillag miabuno og 22 puntos.

Si Barry Ledesma miantog og 30 puntos alang sa Aisle Marine ug si kanhi UV Lancer Mark Anthony Manigque mitampo'g 19 puntos.

Puntos Matag Usa

Unang duwa:

Megapaint (84) - Momo 27, Pantilag 22, Marvin Auman 11, Tajanlangit 9, Arreglado 6, Basaka 5, Indoyon 2, Ermac 2

Aisle Marine (77) - Ledesma 30, Manigque 19, Gimena 5, Sencil 4, Econas 4, Ogue 3, Pulgo 2, Baguio 2, Trinidad 2, Satina 2

Ikaduhang duwa:

CMS (90) - Sasing 24, Cortes 21, Ocampo 14, F. Te 13, Reyes 9, Amoroto 3, Bulilan 2, Capapas 2

FAL Shipping (65) - Molina 20, Tubli 16, Madrelino 8, Mondejar 7, Revilles 5, Romagos 3, Claret 2, J. Tumulak 2, N. Tumulak 2 (BANAT NEWS)