2nd QCIM inilatag sa Disyembre 5
MANILA, Philippines - Ang inaabangang running event ay mangyayari sa Quezon City sa Disyembre 5.
Nasa kanilang ikalawang sunod na taon, ang Quezon City International Marathon ay inorganisa ng Executive Runners Club of the Philippines (RUNNEX) at suportado nina Mayor Herbert Bautista at Vice Mayor Joy Belmonte.
Ang mga recreational, professional at beginner runners ang maglalaban sa 5km, 10km, 21km at 42km event.
Ang pagpapatala ay nagsimula noong Oktubre 4 at magsasara sa Nobyembre 7 sa mga registration sites sa R.O.X. Bonifacio High Street, Chris Sports outlets, Secondwind sa Ortigas, Quezon City Hall at sa RUNNEX office sa Rm. 304 Bahay ng Alumni sa UP Diliman.
Ang registration fees ay nagkakahalaga ng P650 para sa 42km, P500 para sa 21km at P350 para sa 5km at 10 km distance.
Ipapamahagi ang mga race kits sa Nobyembre 27 at 28 sa Bahay ng Alumni, University of the Philippines, Diliman.
Ang finisher’s medal ay ibibigay sa mga partisipante na tatawid sa 42km at 21km finish line.
- Latest
- Trending
