Delos Santos, Carolino nidominar sa PSME Run

CEBU, Philippines - Nagwala sila si Mary Grace delos Santos ug Joebert Carolino aron maangkon ang titulo sa tagsa-tagsa nila ka dibisyon sa 2010 Mechanical Engineering Run kagahapon didto sa The Terraces sa Ayala Center-Cebu.

Si Delos Santos milabang sa finish line uban ang best time nga 40:32.16 aron dominahon ang women’s open. Si Madelyn Carter mipahiluna sa ikaduha sa oras nga 42:28.13, gisundan ni Joeyry Lee sa oras nga 42:52-47.

Sa men's division, si Carolino maoy giilang labing kusog nga kontender human niya gitapos ang lumba sa oras nga 33:42.75. Si Adonis Singson miangkon sa ikaduha sa oras nga 34:07.54, samtang si Riez Enriquez mi-okupar sa ikatulong dapit sa oras nga 34:29.84.

Sila si Elmer Bartolo ug Mary Joy Tabal wala magmahay sa ilang pagdagan sa 5K class dihang ilang gidominar ang tagsa-tagsa nila ka dibisyon.

Si Bartolo miangkon sa men's title sa oras nga 16:20.82, gisundan ni Joel Delposo (16:25.46) ug Jorry Ycong (16:46.40), samtang si Tabal mao sab ang nanghawod sa women's division uban sa oras nga 19:51.57, gisundan ni   Aiza Suaybaguio (20:41.64) ug Clarisse Diongson (21:18.83)

Sa 3K run alang sa mga atleta nga nag-edad og 12-anyos ug paubos, si Mark Lee Lucero miangkon sa titulo sa boys class sa oras nga 10:40.49. Si Rellan Felicio mipahiluna sa ikaduha sa oras nga 11:16.38, gisundan ni Roger Baguio sa oras nga 11:19.21.

Sa pikas bahin, si Lovely Fe Andrin miangkon sa unang dapit uban sa oras nga 11:37.36. Sila si Adela Canillo (1:54.98) ug Kizha Mae Delechos (11:58.99) maoy miangkon sa ikaduha ug ikatulo nga dapit. (BANATSPORTS)