East daog batok west, 82-79

CEBU, Philippines - Gibaswat nilang James Sumayang ug Nike Montalvo gikan sa Cebu Eastern College (CEC) Dragons ang ilang East Team ni rookie coach Jerry Jaranilla pinaagi sa pag-iskor ug mga krusyal nga tirada sa daginotong oras ug mo-iksor ug 82-79 nga come-from-behind nga kadaogan batok sa West kagahapon atol sa gipahigayon nga duwa sa Cebu Schools Athletic Foundation, Inc. (CESAFI) All-Star sa high school division didto sa Cebu Coliseum.

Ang West team ni sophomore coach Ramil Rasmo mao unta’y naglabaw sa kataposang 10 segundos ug naglawig na sa ilang kadaogan sa iskor, 79-78 apan naka-ilog si Sumayang ug gihatagan ang East ug 80-79 nga abante ug gisundan sab sa basket ni Montalvo human makahimo’g turnover and West.

Sila si Sumayang ug Montalvo kinsa parehong mga pambato sa topseed nga Dragons, maoy nangu sa opensa sa East sa ilang 16 ug 14 puntos matag usa. Sila ra sab ang players sa East nga naka-iskor og double figures sa maong duwa bisan pa sa kabalanse sa ilang mga iskor.

Ang West nga maoy defending champion, gipangulohan ni Alvin Labolabo, ang sentro sa University of Cebu Junior Webmasters kinsa mibahug ug 28 puntos ug ang iyang teammate nga si John Raphael Aranas midugang og 11 puntos.

Ang tanang upat ka players sa UC, mao sab ang topscorers alang sa West tungod kay misalig kanila pag-ayo si coach Rasmo tungod sab sa ilang championship experience ug gisakripisyo ang oras nilang Julius Salvador Cadavis, Adven Jess Diputado ug sa iyang leading scorer alang sa Sacred Heart School-Ateneo de Cebu Magis Eagles nga si Adrian Roland Muller kinsa igo lang naka-amot og dos puntos.

Sa laig bahin, ang gamitoy nga point guard sa University of Cebu (UC) Webmasters nga si Kelvin Juliane maoy nahimong kampiyon sa 3-Point Shootout human siya mohakot og 15 puntos ssa finals.

Sa maong kadaogan, nakahimo na ug talagsaong grandslam ang UC sa 3-Point Shootout human si Arvin Kim Gomez midaog sa maong korona sa miaging tuig ug si Moncrief Rogado nahimomng kampiyon sa 2008.

Si Juliane mi-abante sa finals human siya mo-iskor og 24 puntos nga maoy nahimong magic number uban kanilang Jun Michael Cantonao sa USC Warriors kinsa mibahug og 35 puntos, Jayson Nudalo sa USJR Jaguars kinsa mi-iskor ug 26 puntos ug ang laing duha ka players nga nagtabla sab sa 24 puntos nga sila si Giovanni Padillo sa ug Jaymar dela Peña sa USJR.

Hinoon, daw nakabaton ug presyur si Cantonao didto sa finals ug igo lang nakakuha’g 12 puntos, si Nudalo adunay11 puntos, si Dela Peña 10 puntos ug si Padillo nuybe puntos.

Niining pagsuwat sa may alas 5 sa hapon, padayon pang gihimo ang H-O-R-S-E trick game nga gisundan sab dayon sa East vs. West All-Star Game sa collegiate division. (BANATSPORTS)