UV EXMEN mikulata sa Team Aces
CEBU, Philippines - Nakarekober ang UV EXMEN human sa hapdos nilang kapildihan sa ilang opener batok sa Mandaue sa dihang ilang gipahimungtan ang Team Aces, 82-75 sa Open division sa 2010 Talisay Mayor’s Cup basketball tournament didto sa Talisay Sports Complex.
Si Randy Dela Pisa mi-iskor og 21 puntos, samtang si Ronald Bucao mipauwan og triples alang sa iyang 19 puntos aron hatagan ang UV EXMEN sa labing una nilang daog.
Ang UV EXMEN gibiyaa'g nuybe puntos sa first period, 12-23, apan dali nilang napakgang ang pagpangatake sa Team Aces pinaagi sa paglusad og 25-16 rally sa pagpangulo nila ni Dela Pisa ug Chris Diputado aron pahakan ang labaw ngadto na lang sa dos puntos, 37-39 sa halftime.
Sa third period, ang UV EXMEN mihimo'g 19-7 run aron ilogon ang labaw, 56-46 sa nahabiling 5:23 sa maong kuwarter.
Gikan niadto, wala na buhii pa sa UV EXMEN ang momentum bisan pa sa mga paningkamot sa Team Aces ni coach Al Solis sa katapusang uno minuto sa duwa.
Sa sayo pa, gilat-an usab sa Lagtang ang Poblacion sa iskor nga 74-61 sa Inter-Barangay Seniors division.
Puntos Matag Usa
(Seniors Division)
Lagtang (74) - Navaja 23, Araniego 17, Derain 9, Albeos 6, Aguilar 5, Laroa 4, Campo 2, Laborada 2, Camacho 2, Alob 2, Grant 2
Poblacion (61) - Fernandez 22, Cabrera 13, Bonjoc 8, Angcon 5, Garing 4, Calimutan 4, Capala 3, Seguerra 2
Open Division
UV EXMEN (82) - Dela Pisa- 21, Bucao 19, Esperat 12, Diputado 8, Manique 7, Elim 7, Abelong 3, Bongcaras 3, Mosqueda 2
Team Aces (75) - Ramirez 17, Magdadaro 13, Reyes 9, Gonzales 9, Gozon 8, Tangararong 7, Duran 4, Dela Rama 4, Pearce 2, Milloren 2. - BANAT NEWS
- Latest
- Trending
