Lupig ang boksidor

Napamatud-an nga lupig gyud ang usa ka boksidor batok sa usa ka MMA fighter, nakita kini atol sa sangka nila ni kanhi Heavyweight champion James Toney batok sa legendary MMA king nga si Randy Couture kagahapon.

Wala kapatugpa bisag usa ka kinumo si Toney batok ni Couture kinsa sayo kaayong nitapos sa away sa 3:19 sa first round via submission.

Yap huwaman sa Smart Gilas

Mihangyo karon ang Samahang Basketbol ng Pilipinas (SBP) ngadto sa kadagkuan sa Philippine Basketball Association (PBA) nga ilakip ang 2-time MVP nga si James Yap sa mga players nga ilang huwaman alang sa FIBA-Asia Mens championship.

Gawas ni Yap, laing duha ka PBA superstars nga gustong huwaman sa SBP mao ang sentro nga si Asi Taulava ug Fil-Am Kelly Williams.  

Takayama mo-away sa IBF eliminator

Ang hapon nga si Katsunari Takayama kinsa mipirma sa ALA Promotions, gikatakdang mo-away karong Septiyembre 1 sa usa ka IBF minimumweight title eliminator batok sa South African nga si Tshepo Lefele.

Ang kanhi WBC/WBA minimumweight champ mo-away unta diha sa Mandaue niadtong Mayo, apan nadiskaril kini human makahiagum og injury ang hapon atol sa iyang jogging diha sa Talamban. (LPM)

Al-Hussaini, Baclao tandem

Gihatagan og bug-at nga responsibilidad ni coach Yeng Guiao sa Air21 Express ang top 2 pick nga sila si Rabeh Al-Hussaini ug Nonoy Baclao aron magsilbe nga haligi sa ilang kampaniya sunod season sa PBA.

Sila si Al-Hussaini ug Baclao mao usab ang giilang “twin towers” sa Ateneo De Manila University (ADMU) Blue Eagles nga misakmit og kampiyonato sa UAAP.