12 ka teams mosalmot sa 15th SHABA caging

CEBU, Philippines - Dose ka teams ang kompirmadong mosalmot sa 15th Sacred Heart Alumni Basketball Association (SHABA) nga sugdan ugma diha sa Sacred Heart School gym sa dalan General Maxilom Avenue, ning dakbayan.

Ang mga mosalmot nga teams nga mosubay og single round robin series mao ang Gaisano Capital, JAPFA, Mobelhaus, Goldberry Suites/Uratex Foam, Nature’s Spring 03&04), San Remigio Beach Club, Marcelino Co, A+Struttures, White Gold Club, Gaisano Capital Saver’s Shell ug ang RDAK/Edcon Glass, ang team ni SHABA president Regan Rex King.

Ang mga duwa himuon matag adlaw'ng Huwebes ug Domingo.

Gihangyo ni King ang mga sakop sa SHABA sa pagsaksi sa duwa atol sa opening day. Dapiton usab ni King ang mga inilang produkto sa Sacred Heart nga sila si ex-PBA cager Padim Israel ug si Joel Co, kanhi player sa PBL nga na-drafted sa Purefoods sa PBA apan didto moduwa sa Magnolia Ice Cream sa PBL.

Walo lang ka teams ang mo-abante ngadto sa semifinals diin ang upat kanila maghupot og twice-to-beat advantage.

Ang semifinal round ug ang championships ipasubay sa "best-of-three" format.

Nagkanayon si King nga aduna nay nindot nga basketball program ang Sacred Heart ug makatupong-tupong na sila sa mga lig-on nga teams sa umaabot nga katuigan aron mahimo sab silang contender sa Cebu Schools Athletic Foundation, Inc. (CESAFI). – BANAT NEWS