12th VISSA swimfest gikatakda

CEBU, Philippines - Gihatagan na go-signal ang organizers sa 12th VISSA Inter-Schools Swimming Competition and Novice Challenge 2010-Part II aron mopahigayon sa maong kalihukan karong Agosto 28-29 didto sa Cristale College sa Tagbilaran City.

Si Victoriano B. Tirol III, Director of Administration sa Cristale College, miuyon na aron mo-host sa kalihukan sa ilang tunghaan.

Nagkadaiyang koponan gikan sa Cebu, Negros, Leyte, Samar, Bohol, Surigao, Marbel ug ingon man ang Manila ang nipadayag na sa ilang partisipasyon alang sa maong kompetisyon.

Sa susamang kalamboan, si Marie Ernestine Denise F. Pegarido, ang School Directress sa Marie Ernestine School, nipadayag sa ilang intensiyon nga magpa-miyembro ubos sa Visayas Integrated Schools Swimming Association (VISSA) nga gipangulohan ni Benjoe Gimenez.

Tungod niini, ang MES mipadayag sab sa ilang intensiyon nga mosalmot sa Tagbilaran event.

Kun tugtan, ang Marie Ernestine swimmers ibutang ubos sa novice category kay wala pa man sila sukad makaapil og kompetisyon.(BANAT)