Emilmich gilapwaan sa Mawin's Kitchen

CEBU, Philippines - Gilapwaan sa Mawin's Kitchen ni team owners Sherwin Lequit ug Maia Adriatico ang higpit nilang karibal Emilmich ni Emily Badon, 73-58 ug ang Panthers midaog sab batok sa RJM Power Builders, 66-53 alang sa ilang ikaduhang sunod-sunod nga daog sa Mawin's Kitchen Basketball Cup (MKBC) 2010 2nd Conference diha sa Vicente Sotto Memorial Gym sa Brgy. Punta Princesa, ning siyudad.

Sa laing duwa, ang Victor Village Residents Association (VVRA) sa pagpangulo sa beteranong point guard   Lito Navarro mipaluhod sa Fatima, 66-55, samtang ang Demolish milubong sa Kamikaze, 70-55.

Ang top gunner nga si Egin Taborada maoy nangu sa Mawin’s Kitchen pinaagi sa iyang 20 puntos ug gi-abagan sab siya nilang Matt Vallejo ug Gerry Empenado nga miamot og 12 ug 11 puntos matag usa.

Ang Emilmich gipangulohan sab ni Gil Ilagan, kinsa mikulit og 19 puntos.

Sa laing bahin, si Gabriel Bacaba maoy nangu sa Panthers nga mihakot og 23 puntos batok sa Builders sa pagtimon ni Bryle Mascardo uban sa iyang 17 puntos.

Ang VVRA gipangulohan ni Navarro pinaagi sa iyang 24 puntos ug si Nico Laborte maoy nangu sa Demolish sa iyang 15 puntos.

Puntos matag usa

Unang duwa:

Mawin’s Kitchen (73) - Taborada 20, Vallejo 12, Empenado 11, G. Empenado 11, Sh. Lequit 8, Sanding 7, St. Lequit, 7, N. Empenado 2, Canencia 2, Adriatico 2, Avancena 2

Emilmich (58) - Ilagan 19, J. Lnees 11, V. Llenes 10, Daugdaug 6, Vinalon 5, Olpoc 3, Genrdaule 2, Pilitoas 2

Ikaduhang duwa:

Panthers (66) - Bacaba 23, S. Vallejo 12, A. Yray 10, A. Vallejo 10, Bacalaan 5, F. Yray 4

RJM (53) - Mascardo 17, C. Mendoza 10, Paracueles 7, Porio 6, P. Mendoza 5, Cabarrubias 4, Castro 2, Birondo 2 (BANAT NEWS)