JKA mi-promote sa ilang mga miyembro

CEBU, Philippines - Ang Japan Karate Association (JKA) Philippines, mihimo sa ilang quarterly promotional examination niadtong Domingo pinaagi paghatag og higayon sa ilang  mga miyembro sa pagpakita sa maayo nilang porma ug pagpahigayon og sparring sessions gikan sa white belts ngadto na sa mga brown belters.

Ang maong kalihukan gipahigayon ubos sa   superbisyon ni Emily Chiongbian, ang chairwoman sa Advertisement and Promotion Committee sa abag nilang Maricel Que, Edyza Rafols, Lyn Moro, Annabelle Almira ug Bernadette Goyeneche pinaagi ni JKA secretary general ug sakop sa Board of Trustees Atty. Nilo Balorio.

Ang kalihukan nahimo sab nga malampuson pinaagi sa pagsuporta ni JKA-Philippines president Atty. Augusto W. Go, tag-iya sa University of Cebu inabagan   ni JKA chief instructor Vic Luna (5th dan expert) kabahin sa technical aspect.

Ang lain pang mga instructors naglakip nila ni Sr. Inspector Erlando Mitante   sa Lapu-Lapu-Mandaue chapters, Edito Maribojoc, Antonio Deluvio, Nilo Gonburan sa Liloan, Consolacion ug Cebu Chapters, Neil Rosaroso sa Mandaue-UCLM chapter, Adriano Baclay sa Cebu. – BANAT NEWS