CEBU, Philippines - Moulbo na ang gikahinaman nga 1st Mayor Mike Rama Inter-barangay Darts Tournament karong gabii diha sa Yayoy's Grill and Resto Bar sa Orchids Street.
Ang torneyo adunay tulo ka events -- team competition, doubles ug youth singles.
Kinse ka koponan nga langkuban sa mga veterans ug fast-rising darters gikan sa nagkalain-laing barangay dinhi sa Sugbu ang magsangka sa team competition nga langkuban og upat ka players matag usa.
Sa doubles event, may 36 ka paresan ang nagpalista niining kalihukan nga gisuportahan ni Raul Alcoseba.
Samtang sa youth division, adunay kinatibuk-ang 22 ka batan-ong darters ang mag-ilog sa unang dapitl.
Gipasiugdahan sa Cebu City Hall Employees' Darts Association (CHEDA) sa pagpangulo ni Bert Colong Jr., ang torneyo himuon matag adlaw'ng Biyernes ug gikatakdang tapuson sa nanghinapos nga bahin sa bulan sa Septiyembre diha sa Yayoy's Grill. – BANAT NEWS