Cebu, MisOr giniba ang mga kalaban sa TOP

MANILA, Philippines - Pinag-init ng host ML Kwar­ta Padala Cebu at Misamis Oriental ang posibleng pagkikita nila sa leg finals nang magsipanalo sa pagbubukas ng 6th leg Tournament of the Philippi­nes nitong Martes sa New Cebu Coliseum.

Nilimitahan lamang ng Me­teors ang Mandaue Landmasters sa tatlong katiting na puntos sa second period tungo sa 93-81 panalo habang kinailangan na­man na kakitaan ng tibay ng dibdib ang host Ninos bago naiuwi ang 95-86 tagumpay sa Hobe Bihon-Taguig.

Kinalaro ng MisOr ang Ta­guig habang kalaban ng Cebu ang Mandaue kagabi at ang mga makukuhang panalo ay tuluyang magseselyo sa pagkikita nila sa leg finals sa Biyernes.

“One game at a time lamang kami. Mahirap ang labanan dito dahil malalakas ang kasaling team kaya dapat hindi nawawala ang concentration,” wika ni Meteors coach Jun Noel na kinuha ang 2-0 karta sa head to head nila ng Landmasters sa torneo.

Naunang nagdomina ang tropa ni coach Al Solis sa unang bahagi ng 1st period, 6-18, pero kumulapso ang kanilang opensa nang sumablay sila sa unang 18 buslo.

Sa pamamagitan nina Neil Raneses at Mark Andaya ay nakapaglubid ng 30 puntos ang Meteors para sa 42-23 kalamangan. Ang buslo sa tres ni Jan Villaver may 12 segundo sa orasan ang nagsalba sa sana’y pagkabokya ng Mandaue sa yugto.

May 23 puntos 9 rebounds, 3 steals at 3 assists si Raneses para pamunuan ang Meteors.

MisOr 93--Raneses 23, Saldua 19, Tagupa 15, Andaya 14, Taganas 8, Moreno 6, Misa 3, Lucernas 2, Daa 2, Lamocha 1.

Mandaue 81--Laygo 18, Gerilla 14, Alcaraz 12, Zanoria 11, Magpayo 7, Magdadaro 6, Bucao 5, Dennison 4, Villaver 3, Latonio 1.

Quarterscores - 15-23, 44-26, 67-50, 93-81.

MLKP Cebu 95 – Santos 18, Bas­co 15, Ababon 14, Dacia 14, Pa­dilla 13, Mapana 8, Ybanez 7, Magsumbol 4, Saladaga 2.

Hobe Bihon-Taguig86–Ga­tum­bato 12, Fernandez 11, Vizcarra 11, Sta. Cruz 9, De Castro 9, Dela Cue­sta 8, Marquez 8, Gui­yab 5, Cacha 5, Lumungsod 3, Reguera 3,.

Quarterscores – 34-18, 52-36, 72-61, 95-86.