CCSC boxers andam na sa mga dagkung hagit

CEBU, Philippines - Human napakyas pagsalmot sa 2010 National Youth Amateur Boxing Championship niadtong Enero, ang mga boksidor sa Cebu City Sports Center (CCSC) stable andam na usab nga mokulit sa ilang ngan isip usa sa mga lig-ong amateur teams sa nasud.

Ubos sa liderato ni head coach Efren Tabanas ug former two-time world champion Dodie Boy Peñalosa, ang CCSC stable mikompirmar nga andam na ang ilang line-up alang sa mga nasudnong kompetisyon.

Si assistant trainer Jordan Dopalco nga nahinabi sa Banat News, nagkanayon nga usa sa ilang gipangandaman mao ang nagsingabot nga national tournament diha sa Mandaue City   karong Agosto.

Mangulo sa Team Cebu City mao si 2009 ABAP gold medalist Alil Ala, CHED National gold medalist Allan Refuela, National Games bronze medalist John Kenan Villaflor ug ang 2009 ABAP quarterfinalist nga si Raymund Empic. – BANAT NEWS