10th DyAB Kapamilya Run ugma na
CEBU, Philippines - Agi'g pagtimaan sa ilang ika-15 nga anibersaryo, ang DyAB Abante Bisaya mopahigayon na usab sa ilang tinuig nga DyAB Kapamilya Run karong Domingo diha sa Asia Town I.T Park sa Brgy .Apas, ning siyudad.
Ang DyAB Kapamilya Run year 10 adunay tulo ka kategoriya -- 15K, 7K ug 1.6K fun run.
Ganting salapi ug medalya ang nagpaabot alang sa top finishers sa matag kategoriya.
Sa registration fee nga P250, ang entrante makaangkon og race number, singlet ug snacks. Ang registration hangtod lamang karong adlawa.
Niadtong late registrants mobayad na kini og P300.
Mahimong magparehistro diha sa Cebu City Sports Center (CCSC), ABS-CBN Broadcast Complex sa North Road Jagobiao sa Mandaue City, Runnr Ayala ug Holiday Gym & Spa.
Usa kini ka fund raising campaign sa ABS-CBN ug DyAB alang sa pagpaayo sa mga gubaon nga classrooms sa mga pampublikong eskuylahan dinhi sa Sugbu. – BANAT NEWS
- Latest
- Trending
