Pecandela naka-una sa IBP hoop finals

CEBU, Philippines - Gipakuratan sa Pecandela Law Firm ni playing coach Michael Cañete ang mas paborito ug defending champion Super Idols ubos sa ilang playing coach nga si Bong Pepito pinaagi sa pagkulit og 68-39 nga kadaugan kaniadtong Sabado sa Game 1 sa ilang best-of-three series alang sa korona sa Integrated Bar of the Philippines (IBP) 2010 basketball tournament didto sa Capitol Parish Gym sa dan Escario, ning dakbayan.

Daw dili mahikap sa kainit ang Pecandela sa ilang paglampurnas sa Super Idols ug wala sab kapugngi ang ilang pagdominar sa rebound hinungdan sa ilang 29 puntos nga kadaugan.

Ang skipper nga si Mark Russ Gamallo uban kanilan ni Francis Pepito ug Dennis Tenefrancia maoy nagdala sa opensa diin nakahimo sila paglabaw og 15 puntos, 45-30 sa pagsugod sa fourth period.

Misalga sab sa opensa silang Ivans Gamallo, Jessie Capoy ug Rey Gealon aron duslitan ang mainitong 23-9 nga rally aron lumsan ang Super Idols.

Parehong mi-iskor og 11 puntos silang Gamallo ug Pepito alang sa Pecandela samtang si Capoy midugang og 10 puntos.

Si Benjo Santiago lang ang bugtong mihimo’g double figures sa Super Idols sa iyang 11 puntos.

Sa sayo pa, naka-una sab ang Pañeros ni skipper Nilo Balorio human ialng gipukan ang YLAC sa iskor, 56-45 alang sa ikatulong pwesto ubos sa pagpangulo ni Jarred Cabilte ug Dennis Aliño kinsa parehong miposa og 10 puntos.

Sa usa ka wild card match, naka-ipsot ang Mt. Zion batok sa Iron Eagles, 71-69.

Puntos matag usa:

First Game:

Mt. Zion (71)— Macion 20, Riveral 12, Narido 11, Macabaya 10, Presas 9, Ungab 7, Del Prado 2

Iron Eagles (69)— Lagahit 17, Hiyas 16, Abcede 14, Vallecer 14, Solis 4, Suson 4

Second Game:

Pañeros (56)— Cabilte 10, alinño 10, Busi 8, Ordeniza 7, Molde 5, Calipayan 5, Balorio 4, Manching 3, Denopol 2, Cagulada 2

YLAC (45)— Guieb 9, ang 8, Arnaiz 8, Hupp 8, Sapayan 7, Ligutan 5.

Third Game:

Pecandela (68)— I. Gamallo 11, F. Pepito 11, Capoy 10, Yu 8, Gealon 7, M. Gamallo 6, Dela Cerna 4, Tenefrancia 4, Malazarte 4, Cañete 3

Super Idols (39)— B. Santiago 11, R. Quijano 7, B. Pepito 7, F. Pepito 5, abayon 4, Garcia 3, Daluz 2. - BANAT NEWS