CEBU, Philippines - Ang Karl Customs Brokerage (KCB) ni team owner Nelson Arnoco mipulbos sa SLAM cagers, 79-70 sa ilang rubbermatch aron sakmiton ang korona sa Emil’s Cup 2010 basketball tournament didto sa Jerry Oberes compound open court sa Brgy. Lipata, Minglanilla.
Nabiyaa'g dos puntos ang KCB sa halftime, 32-34,
Ang KCB nabiyaa'g dos puntos sa halftime, 32-34, apan mi-rally sa third period dihang si coach Norwin Honoridez mimando sa iyang mga batos paggamit og zone defense aron mailog ang momentum.
Ang tandem nilang Kerr Neil Belocura ug Chars Gerzon maoy nangu sa mainitong rally sa KCB aron pagposte'g siyete puntos nga bentaha, 58-51 pagsugod sa fourth period ug wala na nila hatagi'g laing higayon nga maka-apas pa ang SLAM.
Sila si Kingero Exaltacion ug James Babiera maoy topscorer sa KCB nga adunay 14 puntos matag usa, si Gerzon miamot og 12 puntos, samtang si Mark Navaja, kinsa maoy nidaog sa MVP award ug Belocura nagkumboya og 21 puntos.
Ang SLAM gipangulohan ni Marson Tabay kinsa mikadlit og 14 puntos, gisundan ni Paul Avila nga adunay 12 puntos ug Jason Deiparine sa iyang 10 puntos.
Si Navaja otomatik nga nakasud sa Mythical Five uban nilang Ryan Lopez, Allan Doble, Gerald Joseph Ampoon ug Jepoy Fernandez.
Si Dixon Fuentes maoy nakakuha sa "Sportsmanship Award."
Ang top three winners nakadawat og P5,000, P3,000 ug P2,000 matag usa.
Ang Emil’s Cup nahimong posible tungod sa mga paningkamot ni commissioner Emil Lee Oberes ug chairman Armand Wayne Itac. (BANAT NEWS)
PUNTOS MATAG USA
KCB (79) - Exaltacion 14, Baviera 14, Gerzon 12, Navaja 1, Belocura 10, A. Doble 4, Menares 4, Jungoy 2, Remollo 2, Lopez 2, Doble 2, Fuentes 2
SLAM (70) - M. Tabay 14, Avila 12, Deiparine 11, Fernandez 9, Tan 7, Pardillo 7, Cabatas 4, B. Fernandez 2, Reyes 2, Adlawan 2