Aussie Lady Cue Artist 'Di Pinagbigyan Ni Orcollo

MANILA, Philippines - Nalusutan ni Dennis Orcollo ang hamon ni Australian lady cue artist Jasmin Ouschan upang makausad sa knockout stage sa 2010 Party Poker World Pool Mas­ters na ginagawa sa Ri­viera Hotel and Casino sa Las Vegas, Nevada.

Hindi nga nagpabaya si Orcollo laban kay Ouschan upang kunin ang dominan­teng 9-4 tagumpay para madomina ang loser’s bracket sa Group 5.

Nauna rito ay kumuha muna ng 9-1 panalo si Or­­collo na manlalaro ng Bug­sy Promotion, laban kay Shaun Wilkie ng USA ngunit yumukod siya kay Marcus Chamat ng Sweden, 9-8, para malaglag sa loser’s bracket.

Si Orcollo ang ikalawa at huling Filipino player na nananatiling nasa kontensyon sa torneong naglaan ng $100,000 gantimpala at ang tatanghaling kampeon nga ay magbibitbit ng $20,000.

Si Lee Van Corteza na noong nakaraang linggo ay naghari sa 1st Annual Hard Times-Mezz Cues 10-ball Open ay minalas na matalo kay Jayson Shaw ng US, 9-3, para mamaalam sa Group 6.

Si Shaw ang ikalawang sunod na US player na nakaharap ni Corteza at ang una ay si John Schmidt na nakaungos sa 9-8 iskor para maitulak ang pamba­to ng Pilipinas sa loser’s group.

Bago ang magkadikit na kabiguang ito ay kumuha muna ng 9-2 panalo si Corteza kay Carlo Cabello ng Spain.

Si Roberto Gomez ang unang Pinoy na nasa last 32 matapos maipanalo ang dalawang laro sa winner’s bracket sa Group 2 laban kina Earl Strickland, 9-5 at Huidje See, 9-8.

Magbubukas ang ak­syon sa Last 32 ngayon at si Orcollo ay makakaharap uli si Chamat habang si Gomez ay makikipagtuos uli kay See.