Pingoy sakop na's Baby Tamaraw
CEBU, Philippines - Nagpakita dayon sa iyang taras si Jerie Marlon Pingoy sa University of Cebu (UC) Junior Webmasters sa labing una niyang pagsalmot og practice sa Far Eastern University (FEU) Baby Tamaraw nga nakapaatrak sa atensiyon ni coach Horacio Lim didto sa FEU gym sa Morayta, Manila.
Sa telephone interview kagahapon, si Lim nagkanayon nga wala na siya magduda nga si Pingoy ang umaabot nga Johnny Abarrientos sa FEU human sa tulo ka tuig.
“This guy has a lot of promise and potential,” matud pa ni Lim. Dugang pa ni Lim nga iyang hatagan og dakung exposure si Pingoy, kinsa iyang gitawag nga usa sa labing maayong point guards sa nasud karon.
Nagkanayon sab si Lim nga iyang ilakip si Pingoy sa iyang line-up alang sa Fr. Martin’s Cup summer league nga kasamtangan nagpadayon karon.
Subhan ang abilidad ni Pingoy sa Fr. Martin’s Cup karong Domingo.
"Magaling ang batang ito. Proud ang taga-Cebu meron silang player na katulad ni Jerie," sumala pang Lim.
Si Pingoy ug ang iyang amahan nga si Jerry, kinsa usa sab ka produkto sa University of the Visayas (UV) Lancers milarga paingon sa Manila niadtong Mayo 11. – BANAT NEWS
- Latest
- Trending
