Nguyen papalo sa quarters

MANILA, Philippines - Umabante si Tamitha Ngu­yen sa quarterfinal round ng First Gen Junta­phil Metro Age Group Tennis Championships ma­ka­raang talunin si Alexis Oquendo, 6-0, 6-1, sa 16-under division sa Olivarez Tennis Center’s hard court sa Sucat.

Ang panalo ang nagtakda sa laban ng top-seeded na si Nguyen, anak ni da­ting national player Edna Olivarez, kay No. 8 Joana Carnay na bumigo kay Ni­cole Eugenio, 6-2, 4-6 (10-6), sa nasabing Group I tournament na inihahandog ng First Gen Corporation at suportado ng Smart Communications.

Tumatayo ring No. 1 ranked si Nguyen, isa sa mga top junior netters ng bansa, sa 18-under class at nakatakda niyang makasagupa si Louise Lo­pez sa quarterfinals ng premier division.

Ang iba pang tumatarget ng semis spots sa event na inorganisa ng Juntaphil katuwang ang Pet One, RCBC, Sole Footbeds at Pepsi ay sina No. 4 Jasmi­ne Tan Ho, Akiko de Guzman, Eugenio, Shannin Olivarez, Macy Gonzale at Rudas.