Ginebra vs. Alaska sa Cebu Coliseum

CEBU, Philippines - Tigpasiugda sa PBA game nga uloha'g "Duwa sa Sugbo" mohatag og lima ka wheelchairs ngadto sa ilang beneficiary -- ang Jesus S. Avila Foundation Inc.

Matud pa sa usa sa mga organizers nga si Dr. Boy Te, JSCI Senator ug past president sa Metro Cebu Uptown Jaycees, nga modonar sila'g wheelchairs niadtong mga tawong may kakulian sa panglawas isip ilang beneficiaries ug napilian nila ang Jesus S. Avila Foundation

Ang Metro Cebu Uptown Jaycees mo-host sa bearing game sa PBA karong Mayo 22 diha sa Cebu Coliseum tali sa crown-favorite Barangay Ginebra ug sa Alaska Aces.

Dinhi sa maong duwa makita sab ang balor sa   tagsa-tagsa ka teams ang bag-o lang gi-trade nga players nga si Cyrus Baguio alang sa Alaska ug   Willie Miller nga adto na moduwa sa Ginebra.

Tungod kay usa man ka bearing game, dad-on sab sa tagsa-tagsa ka teams ang ilang imports.

Si Te miingon nga ang teams moabot dinhi sa Sugbu karong Mayo 21. Suwaya'g   hangyo ni Te ug   kaubanan ang management sa duha ka   teams nga mosugot nga mopahigayon og fans day ngadto sa mga Sugbuanon.

Si Te ug kauban sa Uptown Jaycees nga sila si Carlos Porras ug Reeve Jumawan maoy mga dinapit sa senemanang SCOOP sports forum nga gidumala ni Bobby Inoferio sa CCTN-Channel 47.

Ang mga tiket sa maong duwa nagkantidad og P1,000 isip patrons (on stage), P700   sa ringside, P450 sa lower box, P250 sa upper box ug P100 sa general admission. – BANAT NEWS