Teradyne Phils. temporaryo karong nag-una sa 1st Elle Lao Cup

CEBU, Philippines - Temporaryo karong nag-una sa liderato ang Teradyne Phils. human milansang og daog batok sa Basic Land, 82-74 sa nagpadayong aksiyon sa 1st Elle Lao Cup basketball tournament niadtong Domingo didto sa Pusok gym sa Lapu-Lapu City.

Ang Teradyne Phils. nagbitbit karon og limpiyong 4-0 nga baraha.

Sama sa naandan, si Michael Alcarde mao ang topscorer sa Teradyne Phils. pinaagi sa iyang 31 puntos, gisundan ni Ronan Wafer nga misansan og 25 puntos. Sila si Bustamante ug Sabac mitikdol og 10 matag usa alang sa kadaugan.

Ang Basic Land nga nagtangag og 2-1 nga baraha gipangulohan ni Jerson Espino, kinsa misaksak og 30 puntos.

Sa lain pang mga aksiyon, ang Lao Customs miligwat sa ilang ikatulong daog pinaagi sa paglampurnas sa Airlift Asia sa iskor nga 69-60.

Si Vincent Omo mipupo og 165 puntos ug si Peter Lee Dayon miani'g 12 puntos alang sa 3-1 nga Lao Customs, samtang sila si Alex Cabase ug Salarza parehong misapsap og 18 puntos alang sa pilderong Airlift nga wa pa gyud maka-alsa'g daog sud sa upat ka mga duwa.

Ang TNT Express nakaipsot bitbit ang 70-67 nga kadaugan batok sa LCB ug aron usab pagposte'g 2-2 nga baraha.

Sila Allan Encorporado ug Ermac maoy nangu sa TNT Express nga parehong mi-iskor og 20 puntos, samtang si Rogelio Davila, kinsa mihakot og 25 puntos mao sab ang nangu sa 1-2 nga LCB.

Puntos Matag Usa

TNT EXPRESS (70) - Encorporado 20, Ermac 20, Amit 16, Legaspi 6, Ermac 4, Tecson 2, Conrado 2, Pahugot 2

LCB (67) - Davila 25, Zanbo 14, Danar 12, Emboy 10, Canonigo 4, Evangelista 2, Rubio 2

LAO CUSTOMS (69) - Omo 16, Dayon 12, Castro 8, Pino 8, Entero 8, Entero 7, Almendras 6, Villahermosa 2, Sabacahan 2

AIRLIFT (60) - Salarza 18, Cabase 18, Payot 14, Berdin 6, Librado 2, Ibañez 2

TERADYNE (82) - Alcarde 31, Wafer 25, Bustamante 10, Sabac 10, Emperio 8, Patino 6, Estorba 2

BASIC LAND (74) - Espinosa 30, Ochea 14, Toston 9, Silawan 7, Gerobiese, Dente 6, Del Rosario 1.  – BANAT NEWS